Seoulmate (京都廣場) (已結業)

這間餐廳的名聲早已響噹噹，一直都好想過來試。今日難得有機會。整個餐廳的佈置就類似一間小型咖啡店，但食品就非常多元化。有日式、韓式、意式及Fusion 菜。睇呢間午餐餐牌覺得價錢都幾合理，不過因為唔係午膳時段來所以沒得嗌，而係廚師推介和主餐牌上既食物我就覺得有啲貴。我就嗌佐一客一嚿Seoulmate 雲下的鰻魚飯及鐵板芝士韓燒豬仔髀（四條）配K爆米餅。一嚿Seoulmate 雲下的鰻魚飯既外相其實真係幾得意，內面的鰻魚飯啲鰻魚飯都係一塊一塊，俾足料。但係係餐牌上寫有流心就沒左，唔知係咪因為太忙（那裡真的好多人）而唔記得整。至於鐵板芝士韓燒豬仔髀（四條）配K爆米餅，就真係好正。芝士做到濃香而完全不肥膩，配K爆米餅真係絕配，而豬仔髀的肉質不錯，煮得剛剛好，再撈埋芝士醬就十分正。埋單連加一就係$314.6。雖然有點貴，但優質的食物質素都係值得。其他各方面（環境、衛生、服務）都ok既。