大少燒味茶餐廳 (已結業)

今日夜晚約左個住大埔既朋友見面，出面熱辣辣，梗係搵間餐廳坐低食下啦我朋友就帶左我黎呢間到了食朋友話呢到啲燒味好食，見佢價錢唔算貴，就嗌左個三拼三拼我地嗌左燒鴨,叉燒,油雞，份量都唔少叉燒一啲都唔“柴皮”，咬落鬆化，就算要左偏瘦既部分都唔會乾憎憎油雞皮滑肉嫩，唔會好咸，仲有少少玫瑰酒既香味燒鴨皮燒得夠香，但係肥油比較多左啲我地嗌左個小菜，有奉送例湯，但係估唔到呢到既例湯，竟然會有燒豬骨肉呢樣好難得我地鐘意食辣嘢，就嗌左個“四川麻辣排骨煲”出到黎，個煲仲熱辣辣，滾到“啪啦啪啦”咁聲麻辣香味十足食落夠哂惹味排骨醃得夠鬆軟，又好似海綿咁吸哂啲汁不過下次黎可以叫佢幫我加辣有少少唔夠辣