新南苑雞煲小菜點心 (已結業)

🚩 新南苑雞煲小菜點心十世都唔黎黃大仙一次，今日咁啱要出去黃大仙做嘢，順便約屋企人出嚟食個晚飯🧡呢間餐廳飲茶，小炒，川菜，西餐樣樣都有，啱晒心大心細乜都想食嘅我！〰️〰️〰️〰️〰️〰️〰️〰️〰️〰️〰️〰️〰️〰️〰️🌈山竹牛肉球 $26超級大粒嘅牛肉球，入口好香芫荽味！配埋大量嘅馬蹄/沙葛，增加左唔少口感🌈灌湯小籠包 $24雖然睇佢個樣唔係脹卜卜，但入面都幾多湯㗎！個皮亦都唔易爛，啲汁唔會流晒出嚟🌈櫻花蝦燒賣 $26櫻花蝦燒賣真係第一次食，加左櫻花蝦係面頭特別有種鮮味係度！燒賣裏面亦都有蝦同埋豬肉， 幾足料嫁🌈黃鱔煲仔飯 $98睇圖就知炒飯夠乾身，飯入面收埋咗勁多黃鱔，超級有良心！不過略嫌淡口咗少少，但食食下就習慣咗！如果有埋飯焦就更加好了🌈椒鹽鮮魷 $88超級新鮮嘅鮮魷，份量超足！啱啱炸起，仲有少少油光係面頭🤤不過味道就偏鹹咗少少，送飯就啱晒🌈楊枝甘露 $35雪到涼浸浸先拎出嚟，啱晒夏天食。甜度啱啱好，唔會太甜，柚嘅苦味亦都食唔出🤤超多芒果同埋西米，為依餐飯畫下完美嘅句說話