大中華飯店 (已搬遷) 新店位置

我地6個人，夜晚想食大排檔，就揀左長沙灣既大中華。大中華飯店同普通大排檔有少少分別，佢係以特色小菜做賣點。普通既煲仔菜唔算好多。好幸運地，我地8點鐘去到，即刻就有位。我地叫左土匪雞，南乳吊燒鱔，臘味煲仔飯，黑椒鐵板豬手，豉椒炒蜆，豉汁炒聖子同埋蒜蓉油麥菜。油麥菜略嫌太淡，下次唔用蒜蓉黎整。炒蜆同聖子好入味，南乳吊燒鱔外脆內軟，黑椒鐵板豬手熱辣辣好好味。最正就係個臘味煲仔飯，又香又好味。臘味飯係大中華入面係必定要食的。