影片
更多
2019-05-22
69 瀏覽
老友生咗個蘇蝦剛剛滿月， 做長輩嘅點都要入嚟探下bb食下薑， 老友住嘅元朗爾巒， 我都係第一次嚟， 低密度住宅 ，環境優美非常優雅， 估唔到呢個小社區 ，對面仲有一個美食城。老友話難得我咁遠入嚟探佢地， 點都要食番餐豪豪地多謝我份厚禮。 朋友非常闊綽帶我食鐵板燒， 呢度門口可以泊車 ，雖然舖頭細細， 但可以近距離同廚師吹下水， 真係食得好招積。老友揀咗個特上活龍蝦鐵板燒， 見到都覺得好正。頭盤嘅呢個帆立貝， 係由北海道新鮮運到， 冇擺過入冰格冷藏， 所以非常新鮮， 師傅加咗三文魚子同新鮮嘅紫菜一齊煮， 十分鮮甜。簡簡單單嘅銀鱈魚，可以煎到個皮咁脆， 師傅嘅手製真係一流， 我夠膽講我未食過咁脆嘅魚皮。呢一隻日本響螺非常之鮮甜， 師傅特別提醒我唔洗加任何嘅醬料， 先試到佢嘅原汁原味。呢一個龍蝦係加左龍蝦膏同海膽一齊炒， 全部都係師傅自己嘅細心調配， 食落去真係有唔同嘅層次，用文字筆墨好難形容。呢一塊只係用砂糖牛油整嘅多士， 但係真係好好好好味， 只能夠講你用心去做一件事， 最簡單嘅食材都食出你嘅心思。A5 和牛厚切，我要求5成熟， 廚師嘅功力非常深厚， 完全符合到我嘅要求， 食落去牛味香濃
老友話難得我咁遠入嚟探佢地， 點都要食番餐豪豪地多謝我份厚禮。 朋友非常闊綽帶我食鐵板燒， 呢度門口可以泊車 ，雖然舖頭細細， 但可以近距離同廚師吹下水， 真係食得好招積。
老友揀咗個特上活龍蝦鐵板燒， 見到都覺得好正。
頭盤嘅呢個帆立貝， 係由北海道新鮮運到， 冇擺過入冰格冷藏， 所以非常新鮮， 師傅加咗三文魚子同新鮮嘅紫菜一齊煮， 十分鮮甜。
簡簡單單嘅銀鱈魚，可以煎到個皮咁脆， 師傅嘅手製真係一流， 我夠膽講我未食過咁脆嘅魚皮。
呢一隻日本響螺非常之鮮甜， 師傅特別提醒我唔洗加任何嘅醬料， 先試到佢嘅原汁原味。
呢一個龍蝦係加左龍蝦膏同海膽一齊炒， 全部都係師傅自己嘅細心調配， 食落去真係有唔同嘅層次，用文字筆墨好難形容。
呢一塊只係用砂糖牛油整嘅多士， 但係真係好好好好味， 只能夠講你用心去做一件事， 最簡單嘅食材都食出你嘅心思。
A5 和牛厚切，我要求5成熟， 廚師嘅功力非常深厚， 完全符合到我嘅要求， 食落去牛味香濃， 亦都唔覺得肥膩。
跟住上埋個炒飯同埋菜， 就等湯同甜品。 當你成晚食到好滿足，食到後面已經冇乜要求嘅時候， 廚師為你捧上一碗熱辣辣魚味濃沃嘅鯛魚湯， 真係好窩心。
多謝老友帶我品嚐一餐咁美味嘅鐵板燒， 下次可以帶埋老婆嚟慶祝特別日子。
張貼
