新記芝士麵 (已結業)

老婆仔忽然想食芝士撈丁，首選當然是這間以芝士撈丁打出名堂的「新記」啦！因為套餐在星期六、日和公眾假期沒有供應的關係，唯有散叫，叫來一個「豬頸肉芝士汁撈公仔麵」和一個「芝心丸芝士汁撈公仔麵」，再補 $8 加多杯餐「凍檸茶」一起飲，這一餐可真是「芝」味無窮呢！這裡的芝士撈麵要賣 $35 一碗，只不過是食碗敻有名貴食材的公仔麵而已，的確不太抵食，不過既然老婆仔想吃，偶然一次，都無所謂。「豬頸肉芝士汁撈公仔麵」其實之前都試過，這裡的芝士汁雖然芝士味鹹香味稍覺不足，仍算得上是十分「芝」味，不過豬頸肉其實就只是一般而已，肉質較乾且瘦。「芝心丸芝士汁撈公仔麵」是第一次試，反而有點意外驚喜。這麵同樣是芝士汁濃郁，不過除了芝士汁之外，還有芝心丸做餸，這幾粒芝心丸的餡全是軟軟的芝士，與芝士汁撈麵可算是絕配，讓吃這麵的人無論是吃麵還是吃芝心丸，都能嚐到芝士的味道餐飲的「凍檸茶」就茶味不錯，都算好飲。埋單計數，雖然只是$80左右，但只不過是兩碗公仔麵加一杯凍飲，吃的又不是什麼名貴的食材，都要收這個價錢，真的不太抵食呢！偶一為之無妨，經常來幫襯就一定不會了。