和牛燒肉一郎 (新都城中心二期) (已結業)

香港要搵間好食嘅燒牛真係一店難求，最近食十間有九間都認真覺得麻麻。今次同朋友約咗寶琳聚會又想食燒肉，見到open rice有300幾個好評又有4送1優惠就入咗呢間餐廳。我哋今次Join嘅係Plan D，係正中間，頭盤送嘅和牛都ok，香口有牛味，會有服務員幫手燒。不過之後可以任叫嘅牛款好多都比較韌。另外佢哋嘅辛辣麵、冷麵好多都係無味，小食都無乜邊樣得，最好食可能係啲沙律同朱古力雪糕杯。真心唔太建議大家嚟試，但如果大家都係想食可以真係要預再貴啲啲plan嘅牛先會好食，但係Plan D我哋有埋4送1，除返4個人連加一都要人均500幾蚊，啲牛質素都係好一般，完全唔值呢個價錢。