百樂門盛宴 (已結業)

百樂門盛宴同朋友食個家常便飯，去酒樓食唔洗自己煮。唔洗等位，人少少坐底就叫左幾個小菜，炸子雞，菜心炒牛肉，同清蒸海上鮮。等左十五分鐘左右上菜，先襯熱試個魚先，賣相ok, 但一夾落就去散，食落口感好似“梅梅”地呀，連個豆豉味都補救唔到呀。再食下菜心炒牛肉，菜心爽脆，不過食下食下有苦味同有渣，而牛肉就鞋左D同咸左少少。最後試埋個炸子雞，個皮相當脆，雞肉食落淋同滑既，連骨都脆，唔錯。不過總括而言對酒樓黎講真係好麻麻，下次再揀我就去第二間喇。