sensory ZERO

營業中

休息中

叫咗個全日素同羅勒risotto,本身見到All day Breakfast竟然有椰菜花，所以特登走去試，但呢個椰菜花基本上冇乜味，我估係就咁白烚加芝士火炙咗下，（火炙我欣賞嘅，但建議椰菜花都可以加香草、辣粉之類去焗，會好過白烚無味）蛋幾滑但都係完全無味，（唔知係加太多水定點，總之一啲蛋香味都無）薯餅明明炸得好好，但食落個口感同味道就出奇地差，建議換過其他供應，連啲沙律菜都好似放太耐咁一啲都唔爽，食落去已經腍晒，酸種麵包口感比較乾，似好普通質素嘅麵包，但叫咗個無花果醬，茶味好香個醬幾特別。Risotto嘅羅勒又係一啲都唔香，其實坊間就算好多現成嘅羅勒醬都可以好香，都係嗰句，建議換其他供應，整體其實用料都唔差，但就係樣樣煮完出嚟都好一般。最後黐L線朱古力，係一杯正常嘅朱古力奶，加咗啲朱古力碎，並冇個名咁勁，不過如果想嘗鮮嘅話都唔差，建議要撈勻先飲，如果唔係去到個底啲朱古力碎會好甜。