影片
更多
2024-05-13
161 瀏覽
當日計埋我得3枱客，加上本身店舖都大，所以都坐得舒服。老實講，店家同我都無怨無仇，當日店家態度都叫友善，所以我唔係要惡意攻擊佢。首先係味道非常之普通，當日嗌左個壽司加烏冬套餐再加一份細壽司卷，壽司同爭鮮差唔多質素，烏冬更加普通到自己係屋企都煮到嘅程度，食唔到味道上有咩特別。第二係價錢，3樣咁普通嘅嘢加埋竟然係要$89，我要先講我唔係食唔起，我平時午餐晚餐都分別花費$80-90，但我比得起個錢唔等於要接受到食埋啲咁嘅嘢。第三係份量，壽司好細舊，好似壽司郎迷你飯咁細舊，3樣菜好似好多咁，但其實加埋都唔夠一份$72蚊加雞胸嘅大快活雞胸飯咁飽肚。總結係睇唔到呢間餐廳有咩優點，味道價錢份量加埋一齊完全說服唔到人去幫襯。外賣可能會係一條血路，但嚟緊有爭鮮開張，真係唔知呢間點樣同爭鮮鬥。真係自求多福啦。btw佢個營運模式都幾搞笑，整個QR code叫人落單，然後又要人出去cashier比錢，真係錦繡多味魚。
首先係味道非常之普通，當日嗌左個壽司加烏冬套餐再加一份細壽司卷，壽司同爭鮮差唔多質素，烏冬更加普通到自己係屋企都煮到嘅程度，食唔到味道上有咩特別。
第二係價錢，3樣咁普通嘅嘢加埋竟然係要$89，我要先講我唔係食唔起，我平時午餐晚餐都分別花費$80-90，但我比得起個錢唔等於要接受到食埋啲咁嘅嘢。
第三係份量，壽司好細舊，好似壽司郎迷你飯咁細舊，3樣菜好似好多咁，但其實加埋都唔夠一份$72蚊加雞胸嘅大快活雞胸飯咁飽肚。
總結係睇唔到呢間餐廳有咩優點，味道價錢份量加埋一齊完全說服唔到人去幫襯。外賣可能會係一條血路，但嚟緊有爭鮮開張，真係唔知呢間點樣同爭鮮鬥。真係自求多福啦。
btw佢個營運模式都幾搞笑，整個QR code叫人落單，然後又要人出去cashier比錢，真係錦繡多味魚。
張貼