影片
更多
2021-09-29
219 瀏覽
第一次食小店泰菜還真得蠻有驚喜的首先就係馬拉盞炒通菜炒嘅時候就聞到香味 送到落枱見到都幾大碟 食落去鹹淡適中空口食都唔會覺得太鹹 但希望個味道可以再濃啲 咁就真係色香味俱全第二個就肉碎包生菜呢個真係必食👍🏻👍🏻味道好正宗佢對比其他餐廳香料味會重啲食落去酸酸辣辣非常開胃而且都好大碟但係如果唔食得辣就要諗諗真係都幾辣！！！！！第三個就係串燒都係必點叫咗豬同牛送到落嚟就見到串燒表面鋪滿咖喱醬燒得非常香同入味相對牛肉來講豬肉肉質會林啲同入味牛肉就比較有咬口佢隔離附有醬汁但係覺得本身串燒已經好入味唔太需要醬汁第四個就係鹹魚炒飯呢個相對比較失望翻炒出嚟金黃色粒粒分明都幾有鑊氣表面鋪滿蛋絲份量非常大但係食落去冇乜驚喜而且鹹魚味道唔夠同普通炒飯冇乜嘢大分別但係攞肉碎包炒飯食味道煥然一新第五個就係烤雞肉呢個就冇乜特別雞扒烤得啱啱好肉質細嫩，都幾大塊最後有個芒果糯米飯作甜品芒果半隻左右糯米飯係用微波爐叮翻熱熱地上面林有椰汁同黃豆碎食落去第一個感覺就係超級甜芒果酸酸地但係因為椰汁糯米飯實在太甜所以配返酸酸地嘅芒果會冇咁膩所以都唔係太推薦最後店主送咗一碗芋頭西米露都係非常甜一邊食到芋頭但係芋頭應該比較老食到一
還真得蠻有驚喜的
首先就係馬拉盞炒通菜
炒嘅時候就聞到香味
送到落枱見到都幾大碟
食落去鹹淡適中
空口食都唔會覺得太鹹
但希望個味道可以再濃啲
咁就真係色香味俱全
第二個就肉碎包生菜
呢個真係必食👍🏻👍🏻
味道好正宗
佢對比其他餐廳
香料味會重啲
食落去酸酸辣辣
非常開胃
而且都好大碟
但係如果唔食得辣就要諗諗
真係都幾辣！！！！！
第三個就係串燒
都係必點
叫咗豬同牛
送到落嚟就見到串燒表面鋪滿咖喱醬
燒得非常香同入味
相對牛肉來講豬肉肉質會林啲同入味
牛肉就比較有咬口
佢隔離附有醬汁
但係覺得本身串燒已經好入味
唔太需要醬汁
第四個就係鹹魚炒飯
呢個相對比較失望
翻炒出嚟金黃色粒粒分明
都幾有鑊氣
表面鋪滿蛋絲份量非常大
但係食落去冇乜驚喜
而且鹹魚味道唔夠
同普通炒飯冇乜嘢大分別
但係攞肉碎包炒飯食
味道煥然一新
第五個就係烤雞肉
呢個就冇乜特別
雞扒烤得啱啱好
肉質細嫩，都幾大塊
最後有個芒果糯米飯作甜品
芒果半隻左右
糯米飯係用微波爐叮翻熱熱地
上面林有椰汁同黃豆碎
食落去第一個感覺就係超級甜
芒果酸酸地
但係因為椰汁糯米飯實在太甜所以配返酸酸地嘅芒果會冇咁膩
所以都唔係太推薦
最後店主送咗一碗芋頭西米露
都係非常甜
一邊食到芋頭
但係芋頭應該比較老
食到一條條絲
總括嚟講呢一間泰菜小店味道非常唔錯
而且全部即叫即做
但係甜品方面相對失望
因為實在太甜
小食主食方面全部都做得相對出色
值得回頭再試
1 瀏覽
0 讚好
0 留言
張貼
