太平洋咖啡 (如心廣場一期)

營業中

休息中

平日基本上冇機會去荃灣，今晚等睇Diana Krall演唱會，咁就早啲去，坐低飲杯咖啡睇吓書。新裝修嘅Pacific Coffee變晒靈堂風，本人都係鍾意以前紅色底加黃燈嘅裝修……不過呢間分店嘅優點係，好多座位，但係另一個缺點就係，座位上面嘅咕𠱸都非常之污糟……本人轉咗兩次位，兩個位都非常之凍，應該係同個商場有關。女士就可能要帶多件外套先會坐得耐。本人嗌咗Flat white，以為Default係會比瓦杯，點知係紙杯，可能唔夠人手洗杯掛。杯咖啡冇乜特別，普普通通，當然就唔會有拉花。去到七點嘅時候，職員同本人講，個區域要關閉啦……好彩我就已經坐咗一個鐘，啱啱坐低又唔知嘅話，應該都會好無奈。