泰 (銅鑼灣廣場二期) (已結業)

同屋企人慶祝生日所以揀左而間泰國餐廳。用openrice訂位有得單點88折。叫左幾樣野食，全部都好高質喎，完全唔係出面個d掛名泰國菜咁得個樣而食落口係唔似泰國野。我地叫左個海南雞湯河，跟埋個3個醬真係一絕，有薑蓉、辣醬同黑醬油。每一款醬都可以提升到d海南雞既鮮味。生菜包d豬肉都炒得好野味，辣辣地入口粒粒分明唔會，d豬肉粒唔會好柴好乾既感覺，加埋個生菜一齊入口脆卜卜非常之好食。令我一口接著一口咁食晒成度菜。另外叫左個炸蝦餅，入口唔會有好油膩既感覺咬落仲好彈口添。我覺得佢比起其他出面既餐廳d炸蝦餅係厚d既，但又唔會好難咬。整體黎講我同屋企係非常之滿意既，加埋用openrice訂位，雖然唔係話平左好多，但都叫每度菜平左1蚊2蚊既優惠。