泫居酒屋

營業中

休息中

位於九龍城好高質必定要推介嘅居酒屋🍻除咗嘢食質素全部都好好之外 店員亦非常有善 服務態度勁好 好親切😚重要最後有一個好驚喜嘅生日surprise🎂一定會再嚟💛地點上亦好方便 勁近地鐵站步行出口後步行2分鐘就到🤪-全部嘢食質素我覺得都屬於中上 所以我揀咗其中一啲我自己好喜歡嘅食物覺得特別需要推介🫶🏻💛味醂雞泡魚乾 | 松葉蟹肉蟹籽沙律 | 蟹膏豆腐 | 牛舌心串燒💛雞泡魚乾味醂調味非常之剛好 質感做得剛好 唔會太硬太乾 送啤酒一流 係一個非常好嘅下酒小菜 一口接一口😚個沙律簡份量非常慷慨 蟹肉蟹籽份量都好多 為成餐飯帶點清新感🥦蟹膏豆腐我覺得係最特別嘅 本身以為佢就咁豆腐配上蟹膏 點知佢直頭係將蟹膏打入豆腐內 所以個豆腐係淡黃色 口感嫩滑 重點係食到淡淡嘅蟹膏鮮味同埋鹹香🦀牛舌心厚薄剛好 軟腍又帶點咬口 不過唔會靭咬唔開嗰隻😆另外一提 好多謝店家嘅生日驚喜甜品 係一個自家製嘅開心果雪糕 大大球嘅雪糕外皮爆滿左開心果仁 非常有口感 入邊係濃郁嘅開心果雪糕 超滿足好開心😚❤️