301
104
35
等級2
7
0
非常出色的泰國菜
2022-01-05 295 瀏覽
咁大個仔第一次到園方食嘢，一嚟就食mango tree。間嘢有小小入，真係有啲難搵，但係見到位置咁偏都有唔少生意，就知佢有幾好食啦。第一道食嘅係佢呢個頭盤拼盤。以頭盤嚟講我覺得有小小heavy，食完之後都飽咗三成，係好係壞就見仁見智啦最值得稱讚嘅係個青木瓜沙律。我平時就麻麻地青木瓜嘅，覺得有好大陣草青味，同埋好多渣口感唔好。但呢個青木瓜冇咁重草青味之餘，又嫩又爽脆，配上酸酸地嘅調味真係特別開胃！跟住就到呢個冬陰功湯。見到餐廳真係落足重本，湯面有啲蝦膏係度浮下浮下，成碗湯鮮到不得了。唯一有小小可惜嘅係好係碗碗嘅湯辣度都有小小唔同。我嗰碗就啱啱好嘅，不過我啲朋友嗰碗好似就特別辣，辣到佢飲唔曬（不過我覺得還好啦～）終於嚟到主菜啦！三款主菜我最鍾意就係呢條魚！魚肉起曬骨又切成片，方便易夾易入口。外層有酸甜鹹俱備嘅醬料包裹住酥脆嘅炸衣，而炸衣入面仲有緊實多汁嘅魚肉，令人一口接一口完全停唔到落嚟！我原本已經食到10成飽，但係見到剩落嚟嘅魚肉我都係忍唔住夾多兩舊。呢個烤雞就失色小小啦。肉質比較柴，食到一半牙骹都軟。皮係烤得幾脆，汁都都係好友東南亞風味，只可惜雞肉嘅味道同個汁唔係好夾：雞肉味道偏敦厚，
更多
咁大個仔第一次到園方食嘢，一嚟就食mango tree。間嘢有小小入，真係有啲難搵，但係見到位置咁偏都有唔少生意，就知佢有幾好食啦。
7 瀏覽
0 讚好
0 留言
 第一道食嘅係佢呢個頭盤拼盤。以頭盤嚟講我覺得有小小heavy，食完之後都飽咗三成，係好係壞就見仁見智啦

最值得稱讚嘅係個青木瓜沙律。我平時就麻麻地青木瓜嘅，覺得有好大陣草青味，同埋好多渣口感唔好。但呢個青木瓜冇咁重草青味之餘，又嫩又爽脆，配上酸酸地嘅調味真係特別開胃！
冬陰功
9 瀏覽
0 讚好
0 留言
 跟住就到呢個冬陰功湯。見到餐廳真係落足重本，湯面有啲蝦膏係度浮下浮下，成碗湯鮮到不得了。唯一有小小可惜嘅係好係碗碗嘅湯辣度都有小小唔同。我嗰碗就啱啱好嘅，不過我啲朋友嗰碗好似就特別辣，辣到佢飲唔曬（不過我覺得還好啦～）
8 瀏覽
0 讚好
0 留言
終於嚟到主菜啦！三款主菜我最鍾意就係呢條魚！魚肉起曬骨又切成片，方便易夾易入口。外層有酸甜鹹俱備嘅醬料包裹住酥脆嘅炸衣，而炸衣入面仲有緊實多汁嘅魚肉，令人一口接一口完全停唔到落嚟！我原本已經食到10成飽，但係見到剩落嚟嘅魚肉我都係忍唔住夾多兩舊。
7 瀏覽
0 讚好
0 留言
 呢個烤雞就失色小小啦。肉質比較柴，食到一半牙骹都軟。皮係烤得幾脆，汁都都係好友東南亞風味，只可惜雞肉嘅味道同個汁唔係好夾：雞肉味道偏敦厚，醬汁我覺得只需要小小點綴就ok，奈何醬汁性格太鮮明，兩個味道係度打緊交咁，實在可惜。
11 瀏覽
0 讚好
0 留言
 粉絲煲味道都唔差，如果你鍾意肉桂味咁就一定要試一下呢道菜。粉絲條條分明，彈牙爽口。質地偏乾身，但係有豬油作為潤滑，食落口就啱啱好。大廚話煲底墊咗好幾塊肥豬肉，所以成煲粉絲除咗肉桂嘅香味之外仲有濃郁嘅豬油香。我呢個肥膏愛好者就鐘意到不得了，但係食唔慣肥膩嘢嘅就要考慮下好唔好叫啦！

當日其實仲食咗個甜品拼盤嘅，不過呢個就冇乜特別之處，都係啲大路嘢。總括嚟講係一次幾唔錯嘅用餐體驗，有機會絕對會再返黎食！！
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2021-12-14
用餐途徑
堂食
推介美食
冬陰功