影片
更多
2020-12-07
1251 瀏覽
今次因為用信用卡8折嘅關係，亦都一早聽聞過呢間餐廳，所以就預早兩星期book枱。今次兩個人去食，入到去到朗廷酒店確實係有啲難搵，最後要問酒店職員先知道入口有個玻璃門落地庫。因為疫情關係，職員都好貼心要我地填一填健康申報表，之後就帶我地埋座位。其實一落到去嘅感覺成個餐廳係比較暗，但去到張枱嘅時候，因為有枝蠟燭嘅關係，所以又無預期中咁暗，唔會係個啲暗到你連食緊咩嘢都未必睇到個種😂去到選餐環節，menu其實都好簡單，亦唔取巧，但就係愈簡單嘅烹調先愈特顯食材嘅鮮味，但簡單烹調亦唔代表唔考廚師嘅功價。首先我地點咗6隻生蠔，餐牌就冇寫住產地係邊到，我見職員都忙到踢晒腳所以都無開口問，啲生蠔真係食得出佢個種鮮與甜🦪連我係好怕食生蠔嘅人都食咗三隻，唯獨是有一樣要挑剔嘅地方就係佢6隻入面，有3隻係大，另外3隻就細，講緊係細到手掌心嘅Size，呢一點我唔知係佢每個set都係3大3細定係撞手神咁啱俾咗3隻細嘅俾我。😂然之後我地就嗌咗US PRIME RIBEYE 350g 5成熟，真係靚嘅食材唔需要特別嘅烹調方式，就已經食得出最好嘅效果。上枱見塊扒無標血水，所以攞碟擺得好靚，牛扒肉感鬆軟，牛肉嘅油脂分布平均
今次兩個人去食，入到去到朗廷酒店確實係有啲難搵，最後要問酒店職員先知道入口有個玻璃門落地庫。因為疫情關係，職員都好貼心要我地填一填健康申報表，之後就帶我地埋座位。其實一落到去嘅感覺成個餐廳係比較暗，但去到張枱嘅時候，因為有枝蠟燭嘅關係，所以又無預期中咁暗，唔會係個啲暗到你連食緊咩嘢都未必睇到個種😂
去到選餐環節，menu其實都好簡單，亦唔取巧，但就係愈簡單嘅烹調先愈特顯食材嘅鮮味，但簡單烹調亦唔代表唔考廚師嘅功價。
首先我地點咗6隻生蠔，餐牌就冇寫住產地係邊到，我見職員都忙到踢晒腳所以都無開口問，啲生蠔真係食得出佢個種鮮與甜🦪連我係好怕食生蠔嘅人都食咗三隻，唯獨是有一樣要挑剔嘅地方就係佢6隻入面，有3隻係大，另外3隻就細，講緊係細到手掌心嘅Size，呢一點我唔知係佢每個set都係3大3細定係撞手神咁啱俾咗3隻細嘅俾我。😂
然之後我地就嗌咗US PRIME RIBEYE 350g 5成熟，真係靚嘅食材唔需要特別嘅烹調方式，就已經食得出最好嘅效果。上枱見塊扒無標血水，所以攞碟擺得好靚，牛扒肉感鬆軟，牛肉嘅油脂分布平均，香而不膩，口感真心一絕。如果佢上枱係用木盤而唔係用碟我覺得會更加好，因為我唔係咁鐘意用刀切到碟個種感覺😂
最後見個肚仲有少少位，所以就嗌咗個波士頓龍蝦🦞，自助餐龍蝦食得多，多數都係冷盤俾你去食，肉質好多都係「鞋」同雪到得個凍字。所以今次Bostonian用香烤嘅方式，下面再用啲熱石去令到佢保持溫度，我覺得係非常之好。龍蝦餐牌話有半斤重，所以兩個人食都好夠，龍蝦烹調得非常出色，龍蝦肉係爽彈鮮，亦唔會因為烤嘅過程就流失入面嘅水份，真係食得非常滋味。
最後埋單8折咗就1350蚊左右，最後感想我覺得係3樣菜式都非常用心製作，而食材亦新鮮，所以出黎嘅效果真係無與倫比。服務方面我嫌佢唔係太多嘅職員，有時間舉手都未必有職員可以即刻黎到service 我地，但亦見到啲職員好用心，上菜速度亦都合適，環境亦舒適，價錢合理，所以我覺得非常值得推薦俾各位
麵包
56 瀏覽
0 讚好
0 留言
生蠔
$330
48 瀏覽
0 讚好
0 留言
US PRIME RIBEYE
$588
50 瀏覽
0 讚好
0 留言
US PRIME RIBEYE
42 瀏覽
0 讚好
0 留言
Boston Lobster
$488
47 瀏覽
0 讚好
0 留言
張貼
