So Bar (已結業)

自己一直以來都好鍾意去食海鮮，平時去酒吧，都會專揀一啲有海鮮食嘅就酒吧。之前去開蘇媽，都只係會去食佢哋嘅肉骨茶，因為肉骨茶喺香港來講，蘇媽算係較正宗。冇耐之前，佢哋開埋酒吧， 沖調嘅飲品都係馬拉風味為主。另外佢哋亦都推出咗Seafood Platter。我係為海鮮而黎，對上一次咁樣食法，已經係好幾年前係葡萄牙食嘅一大盤。$299其實唔貴，因為佢有龍蝦、帶子、鮑魚等等。色落去嘅時候係非常新鮮，亦都有海水味。一大盤送上黎，最吸引我嘅一定係佢哋嘅大子，大大粒，餐廳仲特登送上咗Wasabi，擺明就係刺身嘅級數。鮑魚亦都非常吸引，味道好清同好鮮。最後當然唔少得係叫呢度嘅飲品，我叫咗一杯Durian，係貓山王鮮榨配上唔同嘅酒精，味道濃郁；另外亦都叫咗一杯Choco Split，很甜，非常不錯。