Papa (已搬遷) 新店位置

今天去石門見客，見到開咗間新餐廳，餐廳裝修好舒服。仲有時間，所以入去食咗個早餐。早餐餐牌上邊好吸引，好似我以前係英國經常食嘅早餐，喺香港好少見到咁嘅早餐。叫咗一份牛油果蕃茄多士早餐，同埋Cappuccino。個樣同餐牌幅相一模一樣，牛油果好新鮮好好食，喺香港好耐冇食牛油果。蕃茄也煎得剛剛好，麵包也不會焗得太脆，切落去不會散晒，抵讚！沙律菜好新鮮！仲可以加錢多個雜菜湯通粉，雜菜湯湯底好鮮味，不是罐頭湯的味道。Cappuccino 好香朱古力及杏仁味度，絕對係高質素的咖啡。完全估唔到喺石門搵到一間如此高質素餐廳，值得推介！