Bilibala Yakitori Bar

營業中

休息中

比較少食日本串燒，今次試下呢間係希雲街唔起眼既低調小店。餐廳唔大，燈光有啲昏暗， 都幾有情調。 喺吧枱嘅小窗口，隱約見到廚師喺度準備串燒。 餐牌當然係串燒主打，種類繁多應有盡有。醬料有梅子，味噌，柚子口味。牛舌，有少少海鹽喺上面，有牛味，肉質都幾嫩，加柚子醬幾好味。 燒豆腐外脆內軟，miso flavour，有水準。燒白鱔， 配上梅子醬真係好好味！ 推介。味噌燒蟹蓋，會上青瓜口感特別，蟹味鮮甜。芝士燒年糕，好似棉花糖。食咗幾樣鹹嘅食物食番啲少少甜味嘅感覺真係唔錯。 燒海老， 成隻手掌咁長，有海鹽配上檸檬同埋甜豉油，啖啖肉， 燒得啱啱好，肉質彈牙 好好味，非常推介。黑毛和牛， 非常juicy! 幾乎即溶喺口。燒海膽冬菇蝦膠，口感特別，三重味道加上甜豉油。黑糖燒菠蘿， 菠蘿好甜，happy ending。總括串燒食物非常有水準，食材新鮮， 叫咗兩杯柚子酒同串燒真係好夾。雖然店舖比較細，但係好有情調。如果鍾意食串燒嘅朋友，值得一試，絕對推介。