影片
更多
2021-05-12
404 瀏覽
好多時候收工，做嘢做得辛苦，都會想去一間好啲嘅餐廳食晚飯；啟德自從引進左新樓盤之後，唔少BAR AND GRILL都開始進駐其內；事實上，對於我這些住新界的人來說，啟德也不是一個很遠的地方，馬鐵從大圍入去也只是三個站、八分鐘。從地鐵站行出嚟大約2分鐘，就會嚟到呢間餐廳，我6:00嚟到嘅時候，由於而家係夏天，正值日照時間比較長，呢度望住夕陽餘暉在啟德天際，坐在戶外，回想當日啓德機場上的浮華，今日隨着社會的進步，皆俱往矣。Mensa其實係解高智慧的意思，觀乎其名，即係佢哋對客人都會有所要求。呢間餐廳主要係由土生土長嘅少數族裔主理，服務態度，坦白講，我覺得比一般香港華裔服務員更好；至少唔會大大聲😂WINE LIST一定係唔少得嘅嘢，呢度有好多各式各樣嘅紅酒、白酒、雞尾酒，我自己就因為唔係飲酒嘅狀態，所以叫左杯Virgin Colada。呢杯Virgin Colada，上面係椰奶，下面係清甜嘅菠蘿汁，唔會好甜之餘，適逢夏天，亦都比較消暑解渴。頭盤亦都係我嘅至愛；宏宏眾多選擇當中，我特別挑選左新西蘭白酒煮青口及海峴；分量我覺得非常足夠，清酒煮蜆，佢特別嘅地方仲會加咗Garlic同埋辣椒，但其實只
從地鐵站行出嚟大約2分鐘，就會嚟到呢間餐廳，我6:00嚟到嘅時候，由於而家係夏天，正值日照時間比較長，呢度望住夕陽餘暉在啟德天際，坐在戶外，回想當日啓德機場上的浮華，今日隨着社會的進步，皆俱往矣。
Mensa其實係解高智慧的意思，觀乎其名，即係佢哋對客人都會有所要求。呢間餐廳主要係由土生土長嘅少數族裔主理，服務態度，坦白講，我覺得比一般香港華裔服務員更好；至少唔會大大聲😂
WINE LIST一定係唔少得嘅嘢，呢度有好多各式各樣嘅紅酒、白酒、雞尾酒，我自己就因為唔係飲酒嘅狀態，所以叫左杯Virgin Colada。
呢杯Virgin Colada，上面係椰奶，下面係清甜嘅菠蘿汁，唔會好甜之餘，適逢夏天，亦都比較消暑解渴。
頭盤亦都係我嘅至愛；宏宏眾多選擇當中，我特別挑選左新西蘭白酒煮青口及海峴；
分量我覺得非常足夠，清酒煮蜆，佢特別嘅地方仲會加咗Garlic同埋辣椒，但其實只係一種輔助嘅性質，唔會搶咗本身清酒嘅香味，海鮮都幾新鮮，肉質爽，加埋檸檬汁落去，就更加開胃。
檸檬牛油大蝦(SALT AND PEPPER KING PRAWN)係我嘅至愛，首先第一，嚟呢度餐廳，其實旨不在填飽，而是在於享受，一味菜，佢用上咗上等嘅材料，再加上廚師精心嘅設計，大蝦開邊，再搽勻牛油及檸檬汁，每切一下有鋸扒嘅感覺，每一啖都係香烤味、蝦鮮味，再點埋特製醬汁，係好唔錯。
最後完結前，我特別挑選左呢個Ultimate Chocolate Sundae，以前食過唔同餐廳，對於呢一個甜品嘅做法都好唔一樣，之前食過Dan Ryan，其實就只係忌廉加朱古力雪糕；但係呢度我覺得係有驚喜嘅，除咗一舊朱古力雪糕、一舊雲呢拿雪糕外，佢特別仲加咗生果同埋朱古力曲奇，份量都幾大份，好食之餘我亦都覺得幾抵食。
水為財，作結。
張貼
