The Globe

營業中

休息中

英國返嚟嘅朋友介紹我黎呢一間非常有英國feel嘅餐廳食lunch，佢哋午市時間有lunch set，價錢幾抵食。位置係好出名嘅公利竹蔗水轉過彎上去就係，都唔難搵。不過入到去比想像中大好多，而且成個裝修係好英式，晏晝咗幾多外國人幫襯。.除咗lunch set之外都有散叫嘅餐牌，酒類選擇多，好多好特別嘅手工啤酒，紅白酒，Gin啊，Whisky，Cocktail等等都會有，叫咗杯Earl Grey Pisco Sour試一試，味道清爽，好容易入口，飲到後面覺得佢嘅酒勁其實都幾強，比起坊間好多落得好少酒，好多糖漿嘅酒吧黎講，佢哋算係真材實料，值得一試。.加咗$15要佢哋嘅餐前麵包牛油，烘焙得熱辣辣嘅麵包配上濃郁嘅牛油，不錯，牛油尤其用得出眾，鹹香細滑。同朋友一齊share嘅兩款前菜Watermelon & Feta Salad 同Vietnamese Pork Meatballs都幾有驚喜。首先係好少見到用西瓜黎做沙律，出乎意料地又幾夾，好juicy，加埋少少芝士，配酒很不錯。Vietnamese Pork Meatballs就比較fusion風，越越泰泰feel咁，醬汁幾開胃，肉丸質感扎實。