永勝冰室 (北角)

營業中

休息中

呢間茶餐廳開係馬會入面，夠18歲先可以進入。餐廳標榜由翡翠拉麵小籠包主理。晚餐時段，餐廳有唔同套餐選擇。有煲仔飯、客飯、中式拉麵、點心。糖醋魚塊客飯（$75）茶飯完全無味，好失望，純粹將白飯同菜撈埋一齊。主角糖醋魚塊太酸，完全入唔到口。臘腸排骨煲仔飯（$88）呢個煲仔飯要等20分鐘。不過完全貨不對板，飯唔係用煲仔煮出黎，一啲飯焦都無，就咁將白飯放入去，再將臘腸同排骨放係面。一啲油香都食唔到。仲要等20分鐘，真係唔明點解要等20分鐘咁耐。附送嘅糖水太甜，要自己溝一杯熱水無咁甜先食得落。餐廳仲標榜由翡翠拉麵小籠包主理，原來翡翠拉麵小籠包嘅質素已經去到咁差。總括黎講，太差，唔會再食。