晶荷軒

營業中

休息中

我點左3款小菜 1款前菜 1款甜品 因為非常失望 只影左1張相 。首先講最失望個前菜 回味鱈魚球 雖然150蚊唔貴 但都唔好咁求其 冇賣相，大小厚薄相差太遠 用頭頭尾尾既下欄黎做都唔梗要 但比人感覺就好似咕嚕肉咁上粉炸定一大堆 放足幾個鐘 有人叫就淋汁出 酸甜味道因個人口味不評倫 但肉質柴到不得了 係我食過最難食既鱈魚做法 令我有可惜了鱈魚既諗法。第2失望迪士尼公仔造型3色椰汁糕 上枱後發現所謂既造型眼耳口鼻都溶化了 以98蚊3粒椰汁糕黎講 無左造型既加持 質素同普通麵包舖10蚊2粒無異。其餘一個干燒蝦碌，一個 芥末牛粒，椰青雞湯浸菠菜苗。冇賣相 調味做工配搭普通都算。除左個浸菜其他連基本熱度都做不到，干燒蝦太多汁 過老 入口就是蒜蓉豆瓣醬味道 好咸 搶晒味 芥末牛粒比蝦碌更像干燒。整體食材用料及廳面服務不俗，調味配搭功夫平庸。