Ruby Tuesday (已結業)

好地地一間餐廳點解成日要做半價promotion先? 我呢種marketing人好有興趣知道點解,於是走去試試...哇,都幾多人喎...估唔到! 坐低後冇人理過我地,我地兩丁友想叫杯啤酒都唔得,揮手成幾十先有人應,位server仲好似唔係幾耐煩咁樣添,唉...算,唔好同佢嘈,人地都係搵食.到D食物喇,又鬼咁耐先到(等45分鍾)!又算,反正有時間,不過D食物品質真係好差喎,用呢句形容詞就最貼切喇-舢舨充炮艇!只要你係食過美國野就會知到!唉,反正都冇人過來問過我地,臨食完就走啦,點知,最後終於有人好似好欣勤咁走來sell我地買一個叫什麼半價卡,又講到點好點好...,但最後我地都係冇買到,點解?就係因為上述經歷,再加上D"咁"品質(食物+服務),講真,如果食佢原價真係可以用超貴來形容,但無論如何我都冇興趣再返去喇,並唔係錢問題,錢要使得值,唔知你地點睇呢?!...唉,仲想係聖誕後食返餐好美國野,點知試錯野!!而家我知點解佢成日做大大個折頭囉!