影片
更多
2020-10-21
1005 瀏覽
男朋友想食火鍋所以黎呢間試下，晏晝想打去訂位，打左幾次都冇人聽，唯有收工去walk-in啦😢7:10左右去到攞飛，要等20張，都等啦因為真係想食。見前面有兩枱人問店員仲有幾耐有位，店員話唔知，不停話得一個人執枱所以慢🙄吓？乜你唔夠人返工係我地顧客問題？個兩枱人都嬲住咁走。等到9點店員幫仲在場既客人登記，當時仲有8枱人左右，後尾佢數完人數之後話得返6張枱，叫另外2枱人離開，見人地都好唔開心走左☹️等到9:30終於有位，我問店員我地而家入座係咪都可以食120分鐘，佢係咁話自己收11點，10點半last order，唔會有補時。其實都差唔多要400蚊一個人，我地都等左唔只120分鐘啦，補少少時間都唔得？姐係逼人俾錢join你會員先有得唔洗等位食姐🥱其實你每枱食120分鐘，你自己都有數計啦，點解唔可以預早截龍呢？或者唔夠120分鐘你應該9點鐘落單個時同人講定囉😑
7:10左右去到攞飛，要等20張，都等啦因為真係想食。
見前面有兩枱人問店員仲有幾耐有位，店員話唔知，不停話得一個人執枱所以慢🙄吓？乜你唔夠人返工係我地顧客問題？個兩枱人都嬲住咁走。
等到9點店員幫仲在場既客人登記，當時仲有8枱人左右，後尾佢數完人數之後話得返6張枱，叫另外2枱人離開，見人地都好唔開心走左☹️
等到9:30終於有位，我問店員我地而家入座係咪都可以食120分鐘，佢係咁話自己收11點，10點半last order，唔會有補時。其實都差唔多要400蚊一個人，我地都等左唔只120分鐘啦，補少少時間都唔得？姐係逼人俾錢join你會員先有得唔洗等位食姐🥱
其實你每枱食120分鐘，你自己都有數計啦，點解唔可以預早截龍呢？或者唔夠120分鐘你應該9點鐘落單個時同人講定囉😑
張貼
