影片
更多
2020-05-30
2510 瀏覽
睇OpenRice食評見到好多人話The Butterfly Room嘅afternoon tea係唔錯嘅, 所以諗住同D朋友去試下. 佢只接受網上預約, 而且好full, 我4月頭上網book都要5月尾先食到, 仲要係平日先有位. 我同我2位朋友都超期待食依個afternoon tea, 仲特登請半日假黎食.我係book咗2:00pm, 但我地1:30pm就到咗. 可能早到咗, 所以當時見到間餐廳都唔full嘅, 得兩三枱有人坐. 店員有同我地講, 我地早入座的話, 都係兩個鐘交枱的. 我地都明白, 所以揀早入座, 早D食.咁店員就帶咗我地去一入門口最右面張枱坐. 就係依張枱. 我地覺得依張枱3個人坐好似有點細.淨係放飲品都好似有點full. 而且見到有D大少少嘅枱都冇人坐, 所以就問下店員可唔可以換張大少少嘅枱俾我地. 店員最後同我地講話今日full booking, 所以安排唔到大枱俾我地. 不過我地之後就見到有D食客都係得兩個人, 但店員都安排都大枱俾佢地. 所以我地再問多次店員. 點知個店員就話因為我地早咗入座, 所以只係安排到依張枱俾我地. 咁我地就話我地2:00pm再黎啦
佢只接受網上預約, 而且好full, 我4月頭上網book都要5月尾先食到, 仲要係平日先有位.
我同我2位朋友都超期待食依個afternoon tea, 仲特登請半日假黎食.
我係book咗2:00pm, 但我地1:30pm就到咗. 可能早到咗, 所以當時見到間餐廳都唔full嘅, 得兩三枱有人坐.
店員有同我地講, 我地早入座的話, 都係兩個鐘交枱的.
我地都明白, 所以揀早入座, 早D食.
咁店員就帶咗我地去一入門口最右面張枱坐.
就係依張枱.
我地覺得依張枱3個人坐好似有點細.
淨係放飲品都好似有點full.
而且見到有D大少少嘅枱都冇人坐, 所以就問下店員可唔可以換張大少少嘅枱俾我地.
店員最後同我地講話今日full booking, 所以安排唔到大枱俾我地.
不過我地之後就見到有D食客都係得兩個人, 但店員都安排都大枱俾佢地.
所以我地再問多次店員.
點知個店員就話因為我地早咗入座, 所以只係安排到依張枱俾我地.
咁我地就話我地2:00pm再黎啦, 問佢到時會唔會有大枱俾到我地.
店員都係答冇, 得依張枱.
(我心諗, 咁關我地早唔早咗入坐咩事?
我地入座時D枱都唔full, 有大枱係冇人坐嘅.
好喇, 就當你D大枱係想留俾D 4-5個人嘅booking坐, 點解有D食客遲過我地到, 得兩個人, 都安排到坐大枱? )
所以我地唔係好接受佢嘅答案.
咁我地再問另一個店員, 最後個店員話因為有客人cancel booking, 所以安排到大枱俾我地.
換咗同左下角嗰張枱差唔多大細嘅枱俾我地.
不過換咗座位之後, 店員嘅一句說話又令到我地嬲嬲地.
因為佢問:「你地滿意未?」
佢嘅口吻係有少少串.
咁我地見都換咗枱就算喇, 希望D食物好食, 換返個好心情返黎.
佢個set係HK$720 for 2.
一個人就HK$390.
飲品都算多選擇, 可以揀花茶, ice tea, hot chocoolate 同埋咖啡.
首先上嘅係飲品.
如果想飲茶又想影相靚D, 可以揀花茶.
我揀嘅係Organic Chamomile.
味道清清地都幾好.
我朋友揀咗其他茶, 佢係用普通茶壺嘅, 影相相對來講冇咁靚.
Organic Chamomile
31 瀏覽
0 讚好
0 留言
之後就黎嘅係鹹點.
其實佢食物賣相係唔錯嘅.
面前嘅蘑菇撻上面有塊黑松露, 加埋黎食都幾香.
30 瀏覽
0 讚好
0 留言
如果鍾意食黑松露, 左邊第一件咸點應該會岩你口味. 我覺得係幾重黑松露味, 幾好食.
其他嘅咸點味道就普通啦.
29 瀏覽
0 讚好
0 留言
粉紅色嘅係西柚味雪葩.
雪葩下面有西柚果肉.
再下面嘅紅色汁, 其實唔係汁, 係啫喱黎.
我覺得雪葩個味道酸酸地幾好味, 可以解膩.
不過佢個西柚果肉和啫喱就太酸喇, 食嘅時候真係酸到眼到擘唔大.
19 瀏覽
0 讚好
0 留言
Scone係好食嘅.
仲有3款醬可以點.
但佢另一款甜品我就覺得麻麻地喇.
雖然佢味道唔係好甜, 但外皮好硬.
14 瀏覽
0 讚好
0 留言
依個係黑森林蛋糕.
車厘子係去咗核嘅.
個蛋糕味道都唔係太特別.
黑森林蛋糕
28 瀏覽
0 讚好
0 留言
甜品盒入面最好食嘅係拿破崙.
其他甜品味道都係普通.
特別都要講下綠色嗰舊朱古力.
佢係開心果朱古力.
可能係因為我唔係好鍾意食開心果啦, 所以覺得件朱古力係唔好食.
24 瀏覽
0 讚好
0 留言
Scone同甜品係無限refill的.
不過我地都未話要唔要refill, 店員就無啦啦收走咗配scone嘅嗰3個醬, 完全冇問我哋仲要唔要.
咁都唔緊要, 我地之後話要refill scone同拿破崙.
Scone黎咗一段時間, 店員都冇俾返嗰3個醬我地, 要我地自己主動問.
總括黎講, 餐廳環境係幾靚嘅.
但依度嘅服務真係好差.
可能一入餐廳開始, 店員俾我哋嘅感覺都唔係好良好.
食物味道方面, 我覺得鹹點係好味過甜點.
另外, 佢限時兩個鐘, 我地唔係係咁影相都覺得食得有D趕.
店員早半個鐘就會提你幾點要交枱, 其實食得一D都唔自在, 趕頭趕命咁.
而且每人要俾4百幾蚊, 服務又唔係好, 食物又普通.
性價比真係唔高, 一D都唔抵食.
依間餐廳嘅tea我唔會再黎食.
張貼
