影片
更多
2012-11-21
203 瀏覽
很少寫野，但今次實在不吐不快，因為今次經歷太不愉快，所以一定寫俾大家知!!原本想堂食，但由於太多人等位，所以外賣自取。我點生牛粉絲，加蓮花薑茶，個收銀指住外賣Counter旁邊貼咗好大張Set Lunch Poster，叫我讀個Set 嘅名俾佢聽，之後收我$54。我等咗一陣，見到外賣Counter放咗疊外賣紙，一睇發現相同野食，生牛粉絲，加蓮花薑茶只需$44。之後我問個收銀有咩分別，佢開頭同我講佢都唔知，跟往又同我講Set Lunch Poster係堂食價，所以貴D，我同佢講我係外賣，之後佢又同我講外賣紙係下午茶，份量細D，叫我下次試下。張外賣紙根本無寫到係下午茶!!!!我無同佢嘈，返公司食完個粉絲，一打開杯飲品，發現唔係蓮花薑茶，只係普通中國茶，即時火都嚟埋!!!個收銀明知有外賣紙，自己唔攞嚟睇，引導客人點個貴D嘅Menu，俾人發之後又講埋D唔合理嘅理由!!!所以我一定要公諸天下，大家考慮清楚先好去呢間野!!!!!!!p.s. 致蓮. 越坊：我已留起收據，如你們認為本人所言有所失實，請聯絡openrice通知本人，我再與你們溝通。謝謝!!!
很少寫野，但今次實在不吐不快，因為今次經歷太不愉快，所以一定寫俾大家知!!
原本想堂食，但由於太多人等位，所以外賣自取。
我點生牛粉絲，加蓮花薑茶，個收銀指住外賣Counter旁邊貼咗好大張Set Lunch Poster，叫我讀個Set 嘅名俾佢聽，之後收我$54。
我等咗一陣，見到外賣Counter放咗疊外賣紙，一睇發現相同野食，生牛粉絲，加蓮花薑茶只需$44。之後我問個收銀有咩分別，佢開頭同我講佢都唔知，跟往又同我講Set Lunch Poster係堂食價，所以貴D，我同佢講我係外賣，之後佢又同我講外賣紙係下午茶，份量細D，叫我下次試下。張外賣紙根本無寫到係下午茶!!!!
我無同佢嘈，返公司食完個粉絲，一打開杯飲品，發現唔係蓮花薑茶，只係普通中國茶，即時火都嚟埋!!!
個收銀明知有外賣紙，自己唔攞嚟睇，引導客人點個貴D嘅Menu，俾人發之後又講埋D唔合理嘅理由!!!
所以我一定要公諸天下，大家考慮清楚先好去呢間野!!!!!!!
p.s. 致蓮. 越坊：我已留起收據，如你們認為本人所言有所失實，請聯絡openrice通知本人，我再與你們溝通。謝謝!!!
張貼