影片
更多
2014-12-25
704 瀏覽
明知LUNCH HOUR是多人的, 等位及等餐都預左但服務態度絕對不能接受, 所以都要奉上第一次食評本人已經唔夠人做野, 仲要一個人只係負責派筷子但派上筷子一刻我地連MENU都未有...終於拎到MENU上手, 4人同行叫左4個米線+1個麻辣豬耳+4杯飲品其中三個米線同個豬耳都係落單後15分鐘到左食住等啦! 點知我果個米線(墨丸生菜清湯米) 係冇墨丸的想搵個人跟一跟, 點知揮左5分鐘手都未有人理我個個都直行直過, 叫我等之後果個人又唔理我咁....終於有人應左之後又叫我等, 3分鐘後先拎走我碗野去加墨丸等左25分鐘剩返的第4碗仍然未到, 想搵個人問一問啦都係冇人理, 之後有個呀姐問乜事, 我地話仲爭一碗野個呀姐竟然答"爭一碗咪爭一碗囉" 之後走左去之後同事直接拎左張單入廚房問, 結果5分鐘後碗野終於到左咁由落單開始計過左35分鐘有多, 我地3個都已經食完碗米線咪問野飲囉我地ORDER係兩杯咸檸七同兩杯熱檸蜜點知呀姐又係咁態度"等下啦"當時全埸都係追野飲, 佢終於出左一堆野飲(唔知放左幾耐)不過都係冇我地份 結果由13:07 落ORDER到13:50 走都係冇野飲埋單同佢講野飲等左勁耐冇黎
但服務態度絕對不能接受, 所以都要奉上第一次食評
本人已經唔夠人做野, 仲要一個人只係負責派筷子
但派上筷子一刻我地連MENU都未有...
終於拎到MENU上手, 4人同行叫左4個米線+1個麻辣豬耳+4杯飲品
其中三個米線同個豬耳都係落單後15分鐘到左
食住等啦! 點知我果個米線(墨丸生菜清湯米) 係冇墨丸的
想搵個人跟一跟, 點知揮左5分鐘手都未有人理我
個個都直行直過, 叫我等之後果個人又唔理我咁....
終於有人應左之後又叫我等, 3分鐘後先拎走我碗野去加墨丸
等左25分鐘剩返的第4碗仍然未到, 想搵個人問一問啦
都係冇人理, 之後有個呀姐問乜事, 我地話仲爭一碗野
個呀姐竟然答"爭一碗咪爭一碗囉" 之後走左去
之後同事直接拎左張單入廚房問, 結果5分鐘後碗野終於到左
咁由落單開始計過左35分鐘有多, 我地3個都已經食完碗米線咪問野飲囉
我地ORDER係兩杯咸檸七同兩杯熱檸蜜
點知呀姐又係咁態度"等下啦"
當時全埸都係追野飲, 佢終於出左一堆野飲(唔知放左幾耐)
不過都係冇我地份
結果由13:07 落ORDER到13:50 走都係冇野飲
埋單同佢講野飲等左勁耐冇黎扣返D 錢個收銀淨係黑面唔好意思都冇句
真心好失望,越做越差, 唔會再食
如果閣下想去食, 叫飲品我建議揀凍檸茶
因為佢出極都係凍檸茶, 其他野飲唔知等幾耐
張貼