一起果醬 (已結業)

好耐寫食評! 但今次真係不得不寫，因為真係好憤怒。初時睇到門口個餐牌，依個早餐的價錢真係唔平，但當時好肚餓好想食個靚早餐，所以二話不說就走入去。當時唸依個價錢的食物質素應該不錯，而且一朝早果杯咖啡對我係好重要，但無唸過可以沖得咁難飲，我當時真係好嬲，從未試過飲到一杯咁難飲的咖啡，完全無咖啡味，好似一杯苦的水咁，而且加一服務後仲要收我40炆杯，依個價錢咁的質素，佢連收我10炆杯都唔值!同店員講咖啡好難飲，佢哋都只係笑笑口無出聲，一句歉意都無，太差，最起碼都講句話會改進吖! 講真7仔賣果杯16炆的咖啡仲好飲過佢十倍!而果份英式早餐，無乜嘢特別，舖頭以果醬做賣點，但食落去一般，太甜，食完好想飲水，而且搶咗生果本身的味道，多士唔夠新鮮，所以咬落口唔夠鬆軟，但炒蛋算滑，煙肉和雜菌還可以唔算好乾，腸仔咸味適中，所以整體果早餐都算合格，不過無驚喜。總括一定無下次，如果大家係為咗果醬而去食，我相信一定令你失望!