蟹仙海鮮蒸氣鍋 (已結業)

我本身係鐘意食海鮮，一直都想試呢間餐廳，今晚一行四人黎到食海鮮，全場坐滿，好彩一早book定枱，坐下來店員馬上詳細解釋每個餐的内容，聽落佢哋都係想推銷較貴的套餐，不過我最後還是決定食最平的$298。店員會幫手整海鮮，每種海鮮都有不同時間，可是店裡實在太忙，有一陣子我們白白在等，亦有試過海鮮夠鐘，響鐘了都無店員理我哋。食物方面，海鮮唔新鮮，完全無鮮味。原本看到龍蝦和蟹都有大大的期待，可惜都係好一般，連最後的粥底也沒有鮮甜味，非常失望。吃完粥後亦有送上糖水，味道也不錯。我都食過幾間蒸氣海鮮鍋，每一次都好食而且飽到食唔哂，今次的確唔好食又食唔飽。唔知係咪因爲最平餐的質素咁差，我們四人都很失望地離開。