祥興記上海生煎包 (卑路乍街)

營業中

休息中

屋企附近開咗呢間已經有一段時間，但經過見到冷冷清清，所以一直無幫襯過。今日突然想食生煎包，於是決定去試下呢間。 堂食無人，廚房亦無人，無人招呼。我行去櫃檯打算落單，先有個人行埋來。我問嘢，對方面無表情地回幾個字，跟住我都係叫咗招牌生煎包同紅油抄手試試水準。佢即刻去鑊度鏟起生煎包裝盒，跟住就等淥抄手。終於淥好入盒，俾埋包醋。幾分鐘後返到屋企，生煎包夠熱，但啲汁偏鹹；紅油抄手係薺菜雲吞，無紅油，一丁點都唔辣。盛惠$104，無下次。