銀杏館 (已結業)

星期六訂咗7點,6點40分左右到咗餐廳,唔駛等位,記得3月5日去過尖沙咀某法國餐廳食晚餐,但同太太都覺得有D失望，諗起made in hong kong李志剛介紹過呢間餐廳,所以同太太決定一試。我哋點咗過$888二人套餐,此餐原先情人節推出。先嚟二小杯紅色嘅花茶,好好飲,好開胃。帶子好好食,D汁調得好好。另外有蜆湯及龍蝦湯,味道非常之好,太太叫咗羊湯,羊味好重但一D(so)味都無,好嘢,香草包好食到難以形容,其實仲有D菜式,但唔記得咗,主菜我點咗牛扒配魚扒,唯一魚扒唔夠熱,牛扒7成熟非常好食,血水收哂,牛味好重,讚,牛扒係我食過咁多間餐廳最好嘅一間,太太點咗羊扒配魚扒,羊扒一D(so)味都無,好好食。甜品就係生果點朱古力槳,讚,有一支小蠟燭慶住D朱古力槳,跟住係伯爵茶。埋單$977,我比咗$23貼士,齊頭$1000。因為service實在太好。