Lucky Ristorante (已結業)

終於等到放假，可以瞓到自然醒就落街食好西，嚟咗旺角上海街發現有呢一間好吸引到我注意嘅「lucky ristorante」🫣餐廳嘅顏色以藍色做主調非常搶眼奪目，環境裝修好有特色，難怪有唔少嘅客人已經喺入面進食。入到去睇到Menu決定食個All Day Breakfast全日早餐🍳，賣相打卡一流又超豐富嘅All day breakfast，太陽蛋煎得完美，少少燶邊，蛋黃仲要流心，蛋汁流落去吐司上面好好食，仲煙肉又煙燻香味十足，豬肉腸仔好juicy。仲有清甜粟米、新鮮沙律菜、大啡菇都好Juicy！仲有得加啲茄汁豆添加酸甜滋味，成個package真係好豐富，仲要款款食物都好夾！飲品方面，我就叫咗一杯Mocha。呢杯Mocha真係好好飲，飲到有少少咖啡嘅香味，同埋好重朱古力的味道，香醇又濃郁，甜度又適中，唔知係咪因為朱古力有舒緩心情嘅作用，飲完成個人都會開心啲！