影片
更多
2018-02-14
2681 瀏覽
咁夜都要趕個食評出黎並且俾負評，只因為餐廳啲食物同態度都太離譜，實在不吐不快！2月14情人節不想出街比劏客價食情人節套餐，所以外賣了12安士安格斯牛扒配意粉（$88，九成熟）及黑毛豬柳粒配意粉($58)回家慢慢食。7：20pm 落order, 店員稱大概8：20 ok 。今日多人 等一個鐘 合理， 於是俾錢後回家食個餐前蘋果，看着電視等！ 8:20 落去 ，被告知要等多三四個字， 當時已餓到肚扁扁 ，不過算啦照等。8：40再去，被告知，仲未得，等多15分鐘…當時已很想取消order ，但見小店經營亦不好随意取消， 於是再回家邊看電視邊等…來來回回三次，到9：03第四次到餐廳，終於可取安格斯牛扒…以為可以大擦一餐，點知回家打開一看，三塊黑色硬到好似石頭既牛扒，切少少放入口，煎到過晒龍至焦黑並且又咸又苦！我即刻吐出來。一個餓左兩個鐘既人都完全食唔落，可想而知幾難食！再試下混係意粉中既配菜西芹，凍既！完全生既！！即刻！拎去餐廳反映，一餐飯路五次真係破紀錄！店主話同我地更換並好快俾翻我地。因為太餓，於是趕快再回家，坐低一反轉果塊所謂已更換既牛扒，根本就係原本果塊，佢只片走了焦黑的大部分…並將無
2月14情人節不想出街比劏客價食情人節套餐，所以外賣了12安士安格斯牛扒配意粉（$88，九成熟）及黑毛豬柳粒配意粉($58)回家慢慢食。
7：20pm 落order, 店員稱大概8：20 ok 。今日多人 等一個鐘 合理， 於是俾錢後回家食個餐前蘋果，看着電視等！
8:20 落去 ，被告知要等多三四個字， 當時已餓到肚扁扁 ，不過算啦照等。
8：40再去，被告知，仲未得，等多15分鐘…當時已很想取消order ，但見小店經營亦不好随意取消， 於是再回家邊看電視邊等…
來來回回三次，到9：03第四次到餐廳，終於可取安格斯牛扒…以為可以大擦一餐，點知回家打開一看，三塊黑色硬到好似石頭既牛扒，切少少放入口，煎到過晒龍至焦黑並且又咸又苦！我即刻吐出來。一個餓左兩個鐘既人都完全食唔落，可想而知幾難食！再試下混係意粉中既配菜西芹，凍既！完全生既！！即刻！拎去餐廳反映，一餐飯路五次真係破紀錄！店主話同我地更換並好快俾翻我地。因為太餓，於是趕快再回家，坐低一反轉果塊所謂已更換既牛扒，根本就係原本果塊，佢只片走了焦黑的大部分…並將無咁黑果面向上！切痕也太明顯了！！呃人！！當下即刻唔想再食！亦不想再浪費時間與餐廳理論…只能將整份牛扒意粉送去垃圾桶…
講真，完全無期望$88可食到靚牛，但絕對想不到捱餓等將近2小時竟換來焦黑又咸又硬既牛扒，店家亦好不誠實，假裝換牛扒！這樣的餐廳，不支持也罷！
另一個餐 黑毛豬柳意粉也不好食，淡而無味，配菜西芹也是全生的！
後話，食完之後家人落街買野經過餐廳再次反映食物質素問題，店主竟然回答西芹咁煮才脆…
事後我聽翻即刻覺得不可思議，當我平時無煮飯咩！完全生的西芹根本未煮過就咁混落熟既意粉中，佢仲話煮過，真係虧佢講得出唔面紅！
然後店主話送甜品(啫喱杯一個)當解決問題…對於佢既食物質素已經完全無信心，我地完全不想再放垃圾入口，直接拒絕offer 並走人！
講真，廚房整唔切，就唔好接外賣生意，接左，要客人久等但又交咁既貨色，然後再使陰招以求過骨，根本就係自拆招牌！
無論堂食是否會獲得好些的食品質素及待遇，我都不會再試！
今次百幾蚊買個教訓，如此餐廳，從此列入黑名單，不會再幫衬！
張貼