Summer & Autumn

營業中

休息中

見裝修靚靚地，同朋友入咗去食。最後叫咗杯菠蘿梳打（$48），朋友叫咗奶油大蝦意粉配柚子梳打（$98蚊set）本身我冇down openrice，但飲到呢杯菠蘿梳打決定開個acct寫佢：拎過嚟係透明梳打，下面有幾粒菠蘿。野飲入口有一絲果味（唔知係咩果），跟著就係水！係水啊！係有少少不明味道嘅水啊！飲咗第一啖已經驚為天人，竟然符合咗我對最難飲野飲嘅定義！d菠蘿好甜好化學，但味道完全唔融於水。篤過一輪，再試圖飲多咗兩啖，依然都係咁垃圾。咁樣就48蚊，真心寧願去食老麥求其一餐就算。飲咗幾啖，仲喺口度留咗陣澀味，非常激氣以致頭痛。至於朋友嘅柚子梳打就好d，起碼一啖完整咁有味，意粉d蝦有蝦腸，唔算好好味但係食得嘅。叉洗得唔多乾淨，要簡一簡。總結：唔好去。