樺輝記 (已結業)

經過南豐附近見到新開左間小菜店， 決定聖誕正日帶媽媽同男友一齊過黎食🎄。餐廳裝修光猛， 長上掛滿唔同菜式既木牌名， 好特別， 佢地連餐具都印有鋪名，睇得出別具心思。黎到當然要食酥炸蠔餅炸蠔餅即叫即整，蠔餅又香又脆，上菜時熱辣辣，粒粒蠔仔足料，外脆內軟口感，沾上魚露一併享用，好食。海鮮砂鍋粥 $180起（小）、$280起（大），價錢好抵食，，海鮮，肉類海味自由配搭，我地擇左花蟹花甲同干瑤柱粒，砂鍋粥綿滑，入口清甜，海鮮精華都融入粥內，我地叫細砂鍋，但材料份量勁十足，4人食都可以食到每人2碗！卜卜蜆之前去澳門玩時食過返尋味，但封關關係都暫時無得再去食， 呢到竟然有得食，當然要叫黎試下。叫左個大，蜆超級足料，粒粒飽滿配上濃郁既蒜香味，勁鮮甜！配上埋金菇，必點。藥膳木桶蒸白鱔呢個必食，蒸鱔蒸得剛剛好，鱔肉肉質煙韌，吸收紅棗黨參等等味道，非常美味。啫睹通菜煲通菜炒得爽口，加埋蝦乾肉碎，好惹味。