辣媽川湘私房菜

營業中

休息中

今次就一家大細來試試川菜 其實疫情時都食過佢既外賣 試過佢既酸菜魚 性價平很高 酸辣度恰到好處 魚既份量多 好足料！今次一於去試試午市 選擇多樣 有飯類粉類水煮牛都有一人餐 有麻辣酸辣粉可以自選配料仲可以跟餐飲 價錢都係60至70蚊 鐘意食辣既不妨試試點左口水雞飯，手撕雞撈面，鴨血+牛栢葉酸辣紅薯粉，水煮牛配飯同埋膠原脆皮豬手。口水雞賣相吸引，有跟湯，飯同埋，雞尚算嫩滑。手撕雞撈面有d似炸醬撈面，配雞胸絲，不過不失。酸辣粉係我最愛，鴨血好嫩滑，唔係感覺好假好削個d,牛栢葉切到好幼，好爽口，仲有酸豆角，芫荽，木耳，蔥花，bb辣剛剛好，愈食愈開胃，但唯一失色係個紅署粉係幼身既，質感比較林，粗既會更加完美，下次會試下米線或者手工面。水煮牛份量十足，口感ok，記得襯熱食，一涼左d牛就開始韌，配料有芽菜娃娃菜，滿滿一碗，另配白飯，夠晒飽。脆皮豬手真係有驚喜，新鮮出爐，個皮脆卜卜，好入味，咸咸脆脆，食肉獸必試！餐廳夠晒大，weekend lunch hour都唔洗等。