祥利車仔麵 (創業街)

營業中

休息中

午市堂食。入座前已落單。5分鐘後俾張印單我。印單後再等25分鐘先有麵到。唔計等位時間，食車仔麵落單後要等30分鐘，效率之高應該可以冠絶呢個界别。與飯腳分别叫咗豬骨同雞湯，加腩汁，油麵。豬皮，蘿蔔，大腸，魚蛋，雞翼，魚皮餃。兩款湯嘅共同之處都係冇乜味，亦唔襯車仔麵。油麵質地似日式拉麵多過似正常油麵。好同意樓上所言，d 大腸同雞翼都滷得好深色好靚，但係其實接近完全冇味。魚蛋質地ok, 但係都係冇乜味，除咗雪味。豬皮味正常，不過好淋同得好少。魚皮餃正常，蘿蔔嘅質同量都好。可讚嘅係店員好有禮貌，亦令呢間食肆更加唔似一間車仔麵檔。