Cha:fe (已結業)

經過V Walk 有時都會去Cha:fe 買杯野飲，但一直都未有機會試到佢哋嘅漢堡包，因為每次都唔太肚餓，但今次就終於比我試到了！原來漢堡包加野飲嘅套餐平均都只係四十幾蚊，價錢真係超級親民呀！我哋分別叫咗一份牛油果蟹葉蟹肉漢堡包配白桃梳打及巴馬火腿芝士蛋漢堡配朱古力咖啡！賣相都唔錯喎！而且餡料份量都相當澎湃又好食的，絕對勝過連鎖式漢堡包店呀！飲品嘅選擇又特別多! 以呢個價錢可以食到呢個質量，真係交足晒功課呀！