影片
更多
2017-11-16
2197 瀏覽
朋友生日佢話想食放題，旺角最多選擇，睇左一輪，八幡屋其下原來有幾間任食，以前食過打邊爐非常好，今次就去兆萬間日式放題先。上到去6點半左右，但已經坐左好多人。店員講解收費後，見升級都係加多幾十蚊，又可以多d 刺身熟食食，朋友又生日一於升。急不及待剔野食，刺身，壽司，串燒，天婦羅，鍋物好多元化，而甜品都幾多選擇。一開始先黎刺身，三文魚，帶子，象拔蚌，北寄貝，甜蝦等，雖然唔算好大片，但至少我填幾多片真係比足，讚。 三文魚魚脂豐富，食落好軟嫩。象拔蚌，北寄貝，帶子果d好鬼爽口彈牙，整體款款都好新鮮。而升級左既刺身有油甘魚同珍寶赤蝦，升級版果然唔同d, 又厚又大隻，食落好鮮甜，赤蝦好彈牙。至於熟食有燒牛仔粒，軟腍juicy,夠入味。串燒既牛舌夠惹味，腍身唔韌.鹽燒蝦好入味，鮮味濃郁，細細隻但蝦頭都好多膏。升級左仲每人送半邊龍蝦，因為即燒，所以食左一段時間先上枱，龍蝦肉爽口又夠豐厚，面層個醬唔似芝士，甜甜地好開胃。芝麻雞翼都炸得好香，唔油膩，仲夠香口。雞軟骨又係炸得好香又夠脆，食落唔會太硬。壽司款式都幾多，樣樣要d,細細件唔會食到太飽，將幾新鮮。任食兩小時都好夠，當中無漏單，侍應間中仲走埋黎問有無
上到去6點半左右，但已經坐左好多人。店員講解收費後，見升級都係加多幾十蚊，又可以多d 刺身熟食食，朋友又生日一於升。
急不及待剔野食，刺身，壽司，串燒，天婦羅，鍋物好多元化，而甜品都幾多選擇。一開始先黎刺身，三文魚，帶子，象拔蚌，北寄貝，甜蝦等，雖然唔算好大片，但至少我填幾多片真係比足，讚。
三文魚魚脂豐富，食落好軟嫩。象拔蚌，北寄貝，帶子果d好鬼爽口彈牙，整體款款都好新鮮。
而升級左既刺身有油甘魚同珍寶赤蝦，升級版果然唔同d, 又厚又大隻，食落好鮮甜，赤蝦好彈牙。
至於熟食有燒牛仔粒，軟腍juicy,夠入味。
串燒既牛舌夠惹味，腍身唔韌.
鹽燒蝦好入味，鮮味濃郁，細細隻但蝦頭都好多膏。
升級左仲每人送半邊龍蝦，因為即燒，所以食左一段時間先上枱，龍蝦肉爽口又夠豐厚，面層個醬唔似芝士，甜甜地好開胃。
芝麻雞翼都炸得好香，唔油膩，仲夠香口。
雞軟骨又係炸得好香又夠脆，食落唔會太硬。
壽司款式都幾多，樣樣要d,細細件唔會食到太飽，將幾新鮮。
任食兩小時都好夠，當中無漏單，侍應間中仲走埋黎問有無漏野，有就幫我地追，服務一流。
張貼
