尚八日式燒肉店 (已結業)

之前食過一次荃灣店，今次再食就揀咗去旺角店。上次去荃灣店食，非常滿意，所以再試，今次再嚟到都係非常滿意，強烈推薦朋友一齊食👍🏼👍🏼👍🏼因為本身唔食牛肉，所以平時搵燒肉食都覺得好難搵到抵食又多食物選擇嘅店。但呢間$198（會員有第2位半價）嘅午市特選燒肉放題已經有70品，勁多選擇，再加上有一盤日本豚/美國牛肉送，所以可以揀日本豚肉，完全唔洗要牛。日本豬燒落味道非常好～食得出好食過平時嘅食開嘅豬肉，同埋好難得地豬肉都有列明唔同部分可以試齊曬。有幾款醬汁可以點，都幾夾。推薦燒菠蘿，咬下去菠蘿汁非常甜；吉列炸蝦、炸蠔，新鮮整起，非常鬆脆；蔬菜、肉類質素都很好；燒海鮮上次食過覺得不算特別好食，今次就無落單了。整體環境乾淨，油煙不大，旺角店燈光比較暗，感覺比較有私隱。店員幾有禮貌，收碟好快，服務非常滿意，價錢仲好抵，下次會再去