影片
更多
2023-05-14
243 瀏覽
週末同朋友👩🏻🦰一齊喺大角咀，佢話想食日本餐🇯🇵，又問有冇啲特別少少嘅，咁我即刻諗一下，就決定帶朋友👩🏻🦰嚟呢度開餐😆$328「時令刺身拼盤7品」：7品包括有 蓮子鯛、油甘魚、帆立貝、牡丹蝦、三文魚、八爪魚，全部都好新鮮，非常鮮甜😋；特別美味嘅係「原條 蓮子鯛」，肉質爽滑，非常甘香🤩；另外「油甘魚」充滿油脂，呢兩樣真係滿載 umami 🤩$12「日本🇯🇵南瓜🎃」、$12「秋葵」、$12「日本🇯🇵迷你甜薯」、$18「紫蘇雞肉」、$24「極黑豚肉豬柳」、$24「豚肉韭菜卷」：呢啲全部都係「串揚」；「串揚」Kushiage (串揚げ) 或者叫 Kushikatsu (串カツ) ，據說源於大阪🇯🇵一個叫「新世界」地區裏邊嘅一間小食店，時為1921年，當時用竹籤穿過各種肉類、蔬菜 或海鮮，然後喺外層裹上麵衣，跟住油炸，係平民食物；到日後發展到東京同名古屋都有「串揚」，亦都有高級嘅版本，不過到依家喺日本🇯🇵大部份提供「串揚げ」嘅餐廳都依然係價錢比較大眾化😆喺日本🇯🇵食「串揚げ」，每張枱/吧枱 都會有一大甖醬汁俾大家一齊用，醬汁只限沾一次，不能回沾，否則就唔衛生又唔禮貌😅；而喺呢間餐廳，會有一小
$328「時令刺身拼盤7品」：7品包括有 蓮子鯛、油甘魚、帆立貝、牡丹蝦、三文魚、八爪魚，全部都好新鮮，非常鮮甜😋；特別美味嘅係「原條 蓮子鯛」，肉質爽滑，非常甘香🤩；另外「油甘魚」充滿油脂，呢兩樣真係滿載 umami 🤩
$12「日本🇯🇵南瓜🎃」、$12「秋葵」、$12「日本🇯🇵迷你甜薯」、$18「紫蘇雞肉」、$24「極黑豚肉豬柳」、$24「豚肉韭菜卷」：呢啲全部都係「串揚」；「串揚」Kushiage (串揚げ) 或者叫 Kushikatsu (串カツ) ，據說源於大阪🇯🇵一個叫「新世界」地區裏邊嘅一間小食店，時為1921年，當時用竹籤穿過各種肉類、蔬菜 或海鮮，然後喺外層裹上麵衣，跟住油炸，係平民食物；到日後發展到東京同名古屋都有「串揚」，亦都有高級嘅版本，不過到依家喺日本🇯🇵大部份提供「串揚げ」嘅餐廳都依然係價錢比較大眾化😆
喺日本🇯🇵食「串揚げ」，每張枱/吧枱 都會有一大甖醬汁俾大家一齊用，醬汁只限沾一次，不能回沾，否則就唔衛生又唔禮貌😅；而喺呢間餐廳，會有一小碗秘製醬汁跟食物一齊上，唔使分嚟用，所以夠乾淨😆。呢度嘅「串揚」全部都香口幾好味😋
$98「吉列豬扒定食 - 熊本県豬扒」：外層「吉列」做得夠晒輕身、鬆脆，食落唔覺得膩😋；「熊本豬扒🐷🥩」油份充足、肉質軟熟、非常甘香🤩；仲有一小碗芝麻，可以自己磨碎，然後加入喼汁，要嚟沾豬扒🐷🥩
$78「泡菜豚肉湯烏冬」：泡菜豬肉湯底夠濃郁，烏冬夠掛湯，幾好食😋
$20「日本🇯🇵紫芋甘栗薯餅」：甜甜哋，滑滑哋，炸得夠香口😋
$22「生榨西柚梳打」：餐廳提高半個西柚俾客人自己榨汁，所以夠晒新鮮😋，飲落感覺特別 refreshing 😋
$16「青蘋果梳打」：唔係好甜，幾清爽😋
張貼
