L.D.K. by Ufufu Café (世貿中心) (已結業)

其實留意左依間日式餐廳好耐㗎啦，一直都冇機會嚟食。今日約咗舊同事出嚟追究，一啲就嚟食啲拿。叫咗咖喱吉列豬扒蛋包飯，上碟嘅時候有一圈圈嘅忌廉，賣相吸引。食落發現，蛋炒得好滑，但亦都唔係普通嘅白飯，而係橙紅色、酸酸地好開胃嘅炒飯。 炸豬扒方面，雖然佢唔係做得十分嫩滑，肉質有少少鞋鞋地，但我都會比高分佢，因為表皮炸得非常鬆脆，幾可口。同同事食完，仲喺度食埋甜品添。叫咗抹茶粉柿餅，抹茶本身有少少苦澀，但係上碟嘅時候連埋一小疊黑糖汁，點埋一齊就會變甜。星期一嘅夜晚，餐廳人流唔多，只有幾檯有客坐喺度，幽幽靜靜，反而適合坐耐啲傾計。而且都裝修幾有日式風味，下次想敘舊都會考慮依度。