慢煮工房 (已結業)

上次去工廈買蛋糕咁啱見到呢間慢煮工房星期日中午就黎試一試我地係第一抬客，店員都係啱啱開工有set lunch食，有湯有果茶南瓜湯，上抬好熱，可能啱啱煲起，味道一般，帶輕微南瓜味，質感唔太傑。蒜蓉多士都算幾脆，蒜蓉味就一般，但算唔錯，點湯食最好。厚切煙肉卡邦尼意粉，煙肉唔太多都算厚切既不過一粒粒。同普通煙肉卡邦尼意粉分別不大。慢煮三文魚，係煮得幾淋，個皮可以再脆啲，一切落去就已經feel唔到佢脆，反而食落就微脆。上面的seasoning都夠，再加啲檸檬汁就香啲，但真係唔算特別出色。最大問題係佢上碟的時候係凍的，反而risotto係熱，唔太明點解唔係整左risotto先煎個三文魚🤔裡面的三文魚肉可以再煮耐少少，都係有啲undercooked。Risotto味道唔錯，有好多碗豆，忌廉汁都濃郁，再多少少胡椒粉吊下味會更好。慢煮牛肋就唔錯，夠哂淋，肉味都濃，意粉正常冇特別。其實整體只能用普通兩個字黎形容，所謂的慢煮，都真係所有野煮淋啲，但味道唔覺特別，質素一黎，價錢又唔係特別平，我試完個午餐已經冇興趣再黎食晚餐。