Hot.com (已結業)

放咗工去旺角交收一啲嘢~交收完都八點幾 又唔係好肚餓但又好想食啲小食 見到呢度啲炸物好似幾好咁個牌上邊有好多醬汁可以揀 亦都有好多唔同薯條嘅配搭 望落去好似幾吸引咁就叫左一個炸薯條+芝士波 要咗忌廉醬同肉醬味 $38等咗大概10分鐘左右 份量比我想像中細 因為$38 差唔多一個中午飯嘅價錢 只係有三粒芝士波 同埋一小堆薯條 薯條係幾新鮮幾脆 真係啱啱炸 不過醬汁令我有啲失望 個沙律醬係超級稀 同我諗嘅好唔同 肉醬就真係好不過不失 好似平時出街食肉醬意粉嗰種味 芝士波正正常常呢間店如果真係好想食薯條都可以一試 但係價錢就真係唔平 性價比不太高