LC-Tea (已結業)

店員好好人，見我地睇緊menu，主動推介有咩好飲，有咩時令生果飲品。當我地想order招牌水果茶加奶蓋ge時候，店員即時stop左我地，解釋水果茶同益力多系列係唔加得奶蓋，因為佢地自己都試過咁ge加法，係完全唔好飲，所以堅持唔可以咁樣比人客人咁樣加法，要對客人同自己店鋪負責任。鮮芒果牛乳加芝士奶蓋加珍珠好好飲!! 個芝士奶蓋好得，完全係拍得住喜茶果個，滑香濃!! 個芒果牛乳本身已經好得，D芒果好甜，牛奶味又好濃! 不過d珍珠差d，比較硬，建議大家只加芝士奶蓋已經係超足夠。茉莉花水果茶雖然佢係客人票選第一，但係其實無咩特別，同一般水果茶無咩太大分別。太多生果太少茶，飲兩淡就飲完。不過佢附送果支叉就係幾好質素，夠硬淨，唔似茶餐廳一屈就斷果D。當拎到飲品ge時候，店員亦好有禮貌咁請我地即場飲幾淡，比個意見佢地。意見永遠都有好有彈，當我話比佢地知珍珠比較硬時，店員即時自己試食一下，亦都好坦白咁講D珍珠岩岩煮好ge時候係好Q，但時間放耐左變硬，會再改進！好多時D餐廳或小食店，其實都係扮樣，問客人拎左意見就算，而且仲會解釋係各人口味唔同，難得呢到店員直認不諱，承認失誤答應改進，仲即刻試埋，呢D態度