四合院 (已結業)

灣仔呢區特別多嘢食，除咗利東街嗰條大街D餐廳外，其實隔離呢條細細地嘅街都有啲細餐廳，冇諗過想食辣野嘅時候就見到呢間「四合院」，個餐牌吸引左我入去坐。雖然店舖細小，但係非常滿座。首先叫咗個炒萵筍，因為唔係好多地方有得食，呢度炒得好爽口，好味！！跟住媽咪見到呢個 << 十三香秘製乾鍋-虎蝦鍋>>，即刻啱晒佢個口味又鍾意食蝦又鍾意食辣。 底香我哋揀咗麻辣，配料仲有本身有媽咪最愛嘅豆卜，我哋在額外加左豆干。送到來冇諗過份量咁足料好大碗，蝦都有差唔多有十隻，隻隻都好大隻，又多肉，好新鮮，媽咪食唔停手。另外好有意外驚喜係嗰個豆干，普通嘅配料唔係主角，但外層都好脆好香口。媽咪好滿意，連剩返落嚟啲辣椒都想打包返去。非常有意外驚喜，會再幫襯，食完非常回味！！值得推介！！