堂記腸粉專門店 (已結業)

其實有好多人都知道呢一度既腸粉係出哂名。 皮薄足料~ 腸粉既皮係好有口感。 因為我又細到大都住佐敦關係，而且渡船街以前我又成日出沒~所以呢一間既腸粉我食左有最少18年.....但呢一間鋪頭當然冇開左18年啦~ 因為呢一個老闆以前係小販檔嚟既。就喺佢依家既店鋪門口擺檔^^ 所以我好肯定一樣野就係無論以前細個食老闆既腸粉定話係而家長大後食既腸粉都一樣味道。 因為我每一次去食我都見到老闆親手去蒸...所以味道手法係唔會變^^ 好在佢冇開分店，如果唔係都唔知邊度可以再食返當年小販檔既味道!好喇~講吓食物牛肉腸粉 (我又細到大只係喜愛呢一款) 燒鴨腸粉都係果句皮薄足料，煙煙韌韌...超滑 。 大家不妨去食吓，不過大家要留意，星期三同日都會休息。 只有既上約七點先開。 如果要食就要留意一下喇。