影片
更多
2023-08-14
158 瀏覽
路經堡壘街發現麥記小食開左餐廳😮又唔駛等位同坐街邊，立即坐低叫左兩個套餐同老公試吓! 鍋貼同生煎包依舊出色😋😋，酸辣湯有驚喜😋! 上海雲吞麵中規中矩👌凍奶茶同支裝豆漿味道正常! 由於午餐時間，人流開始多。四眼女店員要求坐四位枱嘅三位食客放一個位出黎俾人搭枱，但男食客唔願意因為佢話佢哋有嘢要傾🤔。其實午餐時間大家都會快快食完就走，盡量可以快啲番枱，特別係小店! 可能四眼女店員表達麻麻，激嬲三位食客，佢哋不斷鬧佢今時今日咁嘅服務態度仲咁差，唔會再幫襯等等! 然後娜娜聲食完就走人! 我唔係幫小店，四眼店員態度真心唔算好差，只係表達能力麻麻哋! 而三位食客當小店係置地coffee shop咁坐又有啲說不通。香港人，午飯係休息時間，大家應該放輕鬆啲，以和為貴🤣🤣🤣 希望麥記“管理層”好好吸取今次經驗，令店員，師傅同食客建立好好關係😃
張貼