三家村水產 (已結業)

小女子上星期六又去左三家村食飯，今次試左個海鮮餐，九種海鮮十種煮法，聽已經覺得好吸引，所以決定一試，一上枱個氣勢已經不得了，嚇一嚇添。呢個餐貝殼類比較多，主角係龍蝦，成個餐我覺得最出色嘅係黃金波士頓，真係有驚喜，除左龍蝦係用咸蛋整之外，旁邊嘅脆脆原來係用餃子皮炸嘅，真係估佢唔倒，初時重以為係春卷皮。其中一個菜式係用龍蝦頭煲粥，攞呢啲脆脆送粥一流。每樣海鮮都非常新鮮，龍蝦粥鮮味突出，兩個人食到最後個粥已經好飽，不過都點多一客燒菠蘿（當甜品）作為完美嘅句號。